#Poem3

                            Parchaayi

Parchaayi meri 

Na padegi tumpe

Itni dur mai chali jaungi

Parchaayi meri na pade tumpe 

Itni dur mai chali jaungi
Yaara mere tu sambhalja abhi

Fir na tujhe mai mil paungi

Dil se tere jo utaari gayi

Fir laut ke naa kabhi aaungi
Baat meri ek suno to kabhi

Baatein na firse mai dohraaungi

Jeena yahin pe yahan zindagi

Ab is jahan mein na jee paungi

Parchaayi meri na pade tumpe 

Itni dur mai chali jaungi 
Dekh zara mud ke to sahi 

Na jane fir kab nazar aaungi

Hasle zara sang mere abhi 

Fir na kabhi mai yun has paungi
Dil ne jo aisa kiya sitam

Has ke har zakhm pee jaungi

Lauta do meri khushiyan khuda

Kabtak mai roye jeeye jaungi

Parchaayi meri na pade tumpe 

Itni dur mai chali jaungi 
Yaad na karna mujhe oh sakhi

Wapas na mai laut ke aaungi

Dard tha duniya mein itna bhara

Mai jaanti thi na seh paungi
Suno meri amma jo tune kaha

Waisi bitiya banke dikhlaungi

Baba ne jitne the sapne bune 

Kaise bhala unhe chur kar jaungi?
Bhai ko keh dena ae khuda

Behan Teri, kabze mein mere padi

Satayega kisko wahan tu bata

Yahan se na jaane dunga kahin 
Behnon ko keh dena oo amma 

Ke ab na satayegi unki didi

Unke khilaune wo unke sahi

Ab na churaungi unko kabhi 
Pyaare se chote bhai wo mere 

Royenge itna, aankhein bhar bhar ke 

Har baat maani thi unki bhali

Ab na kabhi wo pighal paayegi
Bojh kisipe na banna tha kabhi 

Tabhi to parchaayi banke reh gayi

Sunke yeh pyaare mere doston

Na rona kabhi na rulana kabhi
Itna yaad karo mere saathi

Jeevan ka yeh pal to aana hi tha

Tumko to aansu bahana hi tha

Ek din to sabko yahan se jaana hi tha 

Yaad meri na aaye tujhe 

Sapno mein tere na aaungi

Parchaayi meri na pade tumpe 

Itni dur mai chali jaungi 

Itni dur mai chali jaungi…

                                   ~by Aristha Meharwal

Thank you everyone for reading this poem! Do leave a comment behind if you like this poem and any kinds of suggestions from you guys is always welcome! Also do share this post with your family and friends!